अलीपुरद्वार (निसं): अलीपुरद्वारको तालेश्वरगुड़ी चौपथी संलग्न इलाकामा भएको सडक दुर्घटनामा एकजना व्यक्तिको मृत्यु भएको छ भने अन्य एकजना गम्भीर रूपमा घाइते भएका छन्। प्राप्त जानकारी अनुसार शामुकतला थाना अन्तर्गत अधीन बड़ो चौकीरबस इलाका निवासी सुजान महतो अनि चौकीरबस इलाका निवासी दीपाङ्कर बर्मन बुधवार राति लगभग 11 बजे बाइकमा सवार भएर अलीपुरद्वारबाट घर फर्किरहेका थिए। यस अवधि तालेश्वरगुड़ी चौपथी संलग्न इलाकामा बाइक अनियन्त्रित भएर सडकके किनारमा रहेको एउटा रूखसित सोझै ठोक्कियो। उक्त घटनामा ठूलो आवाज आएको सुनेपछि स्थानीय मानिसहरू घटनास्थलमा पुगेर यसबारे पुलिसलाई जानकारी दिए। खबर पाउन साथ पुलिस पनि घटनास्थलमा पुगेपछि घाइतेहरूलाई उद्धार गरेर अस्पतालमा लगे, जहाँ चिकित्सकहरूले सुजान महतोलाई मृत घोषित गरिदिए। यसैगरी, गम्भीर घाइते अवस्थामा दीपाङ्कर बर्मनलाई उपचारको लागि राति नै कुचबिहारको एउटा निजी अस्पतालमा लगिएको छ। पुलिसले शवलाई पोस्टमार्टमको लागि अलीपुरद्वार जिल्ला अस्पतालमा पठाइदिएको छ। पुलिसले घटनाको जाँच गरिरहेको छ।