अनित थापाद्वारा मकैबारी तल्लो क्षेत्रका 6 वटा समाजलाई आवश्यक सामग्रीहरू प्रदान  

खरसाङ: जीटीए अध्यक्ष अनित थापाद्वारा मकैबारी तल्लो क्षेत्रका 6 वटा समाजलाई आवश्यक विभिन्न सामग्रीहरू प्रदान गरियो। विशेषगरी मकैबारी चियाकमान अन्तर्गत अप्पर कैलापानी, लोअर कैलापानी, चेप्टे, फुलबारी, कोदोबारी अनि थापाथली गाउँका समाजहरूलाई जीटीए अध्यक्ष अनित थापाले विभिन्न आवश्यक सामग्रीहरू जस्तै भाँड़ा-वर्तन, साउण्ड सेट, टेबल, बेञ्च आदि प्रदान गरे भने आज ती समानहरू समाजका प्रतिनिधिहरूलाई युवा मोर्चा केन्द्रीय समिति सांगठनिक सचिव सञ्जीब छेत्री, डीटीडीपीएलयु अम्बटे-पङ्खाबारी समष्टि संयोजक मण्डल छेत्री, मकैबारी शाखा सभापति सुबु राई, महेन्द्र शर्माको बाहुलीबाट हस्तान्तरण गरियो। यसरी आफ्नो समाजलाई यति धेरै आवश्यकीय सामग्रीहरू प्रदान गरेर सहयोग प्रदान गरेकोमा सम्पूर्ण 6 वटा समाजको पक्षबाट अनिता राई र मिरा राईले अध्यक्ष थापाप्रति कृतज्ञता व्यक्त गरिन्। यसको साथै यस कार्यमा सहयोग प्रदान गर्ने स्थानीय पार्टी प्रतिनिधिहरू सञ्जीब छेत्री,मण्डल छेत्री, सुबु राई लगायत अन्यहरूप्रति पनि विशेष आभार प्रकट गरे।