अनित थापाको कालेबुङका नव निर्वाचित सभासदहरूसँग भेटघाट सुरु

दार्जिलिङ: हालै सम्पन्न भएको जीटीए चुनाउमा भारतीय गोर्खा प्रजातान्त्रिक मोर्चाको कालेबुङका विजयी नव निर्वाचित सभासदहरुसँग पार्टी अध्यक्ष अनित थापाले आजदेखि भेट गर्न सुरु गरेका छन्। यसबारे अनित थापाले जानकारी दिँदै बताए अनुसार हाल पहाड शोकमा परेको छ। हामी सबै शोकाकुल छौं। तर जीवन अघि बढ्नु नै पर्छ। जीवन जिउने बाटो खोज्नु नै पर्छ। कालेबुङ जिल्लामा म आफै पुग्नु सकिन।

हाम्रा नव-निर्वाचित सभासदहरुसँग बसेर सर सल्लाह गर्नु सकेको थिइन। वर्तमान स्थितिलाई ध्यानमा राखेर मैले नव निर्वाचित सभासदहरुसँग बसेर सरसल्लाह गर्ने पहल सुरु गरेको छु। यसै अनुरुप कालेबुङका नव निर्वाचित सभासदहरुसँग आजदेखि भेटघाट सुरु गरे। मैले भनिसकेको छु, हाम्रो काम गर्ने तरिकामा पारदर्शिता, सहभागिता रहनेछ। हामी विचार थोप्दैनौ, विचार विमर्श गर्छौ।