अनियन्त्रित भएर पल्टियो चियापत्ती बोकेको वाहन

राजगञ्ज : साहुडाङ्गी-गन्डारमोड राष्ट्रिय राजमार्ग इलाकामा आज बिहान एउटा चियापत्ती बोकेको वाहन अनियन्त्रित भएपछि ब्यारिकेट भत्काएर सडक किनारमा पल्टियो। तथापि, कसैको ज्यानलाई कुनै क्षति नपुर्‍याएको बताइएको छ। वाहन चालकले बताएअनुसार मदारीहाटबाट चियापत्ती बोकेर सिलगढीतर्फ गइरहेको समय गन्डारमोडमा टर्निङ काट्दा वाहन अनियन्त्रित भएर ब्यारिकेट भत्काएर सडक किनारमा वाहन पल्टियो। घटनाको खबर पाएर आमबारी आउटपोस्ट पुलिस घटनास्थलमा पुगेर वाहन उद्धार गर्नको साथै घटनाको जाँच शुरू गरेको पुलिस सूत्रले जनाएको छ।