नक्सलबारी: अन्तर्राष्ट्रिय महिला दिवसको अवसरमा आज नक्सलबारी थानाको तर्फबाट एउटा पदयात्रा निकालिइयो। उक्त पदयात्राले नक्सलबारीको विभिन्न क्षेत्रहरूको भ्रमण गऱ्यो। यस अवसरमा नक्सलबारी पुलिस थानाका ओसी इफ्तिखार उल हसन सहित अन्य पुलिसकर्मी, सिभिक भोलेन्टियरहरू उपस्थित थिए। नक्सलबाड़ी पुलिस थानाका ओसी इफ्तिखार उल हसनले बताए अनुसार आज अन्तरराष्ट्रिय महिला दिवस उत्सवको दिन हो।
जुन महिलाहरूले आफ्नो क्षेत्रमा उत्कृष्ट प्रदर्शन गरेका छन् निश्चित रूपमा ती महिलाहरूलाई आज विशेष सम्मान गरिनु अति आवश्यक छ। महिलाहरू अहिले पुरुषहरूमाथि आश्रित छैनन्। यसको साथै हाल महिलाहरू पनि प्रत्येक क्षेत्रमा स्वतन्त्र साथै आत्मविश्वासी बनिसकेका छन्। तिनले आज अन्तर्राष्ट्रिय महिला दिवसको अवसरमा नक्सलबारीको विभिन्न क्षेत्रमा पदयात्रा निकालिएको बताए।