असमबाट काम गर्न आएका युवकको मृत्यु

धुपगुढी : असमबाट धुपगुढीमा रेलवे लाइनको काम गर्न आएका एकजना युवकको मृत्यु भएको छ। मृतक असमको गोसाईगाउँ निवासी 37 वर्षीय रिङ्कु नर्जिनारीको रूपमा चिन्हित गरिएको छ। पुलिस सूत्रले दिएको जानकारीअनुसार आइतबार अबेर राति सहकर्मीहरूले रिङ्कु नर्जिनारीको शव देखेपछि यसबारे पुलिसलाई खबर दिए। घटनाको खबर पाएर पुलिस घटनास्थलमा पुगेर शव उद्धार गरेर पोस्टमार्टमको लागि जलपाईगढी अस्पतालमा पठाउनको साथै घटनाको जाँच शुरू गरेको पुलिस सूत्रले जनाएको छ।