बाघडुग्राबाट बेङ्गलुरु जाने फ्लाइट रद्द, यात्रीहरूद्वारा बाघडुग्रा हवाईअड्डामा विरोध प्रदर्शन

बाघडुग्रा: बाघडुग्राबाट बेङ्गलुरु जाने फ्लाइट रद्द भएपछि विमान यात्रीहरूले बाघडुग्रा हवाई अड्डामा विरोध प्रदर्शन गरे। बाघडुग्राबाट बेङ्गलुरु जाने फ्लाइट कुनै एडभान्स नोटिस नदिइ क्यान्सल गरिदिएको छ। हवाई अड्डामा फ्लाइट क्यान्सिल भएको खबर सुनेपछि यात्रीहरूले क्षोभ प्रकट गरे। यात्रीहरूको आरोप अनुसार कुनै अग्रिम सूचना बिनै उड़ान सेवा रद्द गरिदिएको छ। यसबाहेक विमान संस्थाले उड़ान रद्द भएकोबारे कुनै जानकारी दिएको छैन। उक्त विमानमा 34 जना रेलकर्मी, विश्वविद्यालयका छात्र र रोगीहरू जाने भएका थिए। तर फ्लाइट रद्द भएपछि यात्रीहरूले असुविधाको सामना गर्नपर्यो। विमान यात्री एकजना रेल कर्मीले भने, हामीहरू रेलकर्मी हौँ। बेङ्गलुरूबाट आएपछि आज विमानमा फर्किने टिकट काटेका थियौँ। तर आज आफूहरू हवाई अड्डामा आइपुग्दा फ्लाइट क्यान्सिल भएको थाहा पायौँ। फ्लाइट किन क्यान्सिल गरियो भन्ने विषयमा आफूहरूलाई कुनै जानकारी दिएको छैन। म एकजना सरकारी कर्मचारी रहेकोले भोलि काम जानुपर्छ। हवाई अड्डाको तर्फबाट दुई दिनपछि मात्र टिकट पाउने बताइएको छ। यस्तै प्रकारले अन्य यात्रीहरूले पनि क्षोभ प्रकट गरे। यस सम्बन्धमा विमान संस्था तथा हवाई अड्डा प्रबन्धन मौन छ।