बाघडुग्रा हाट बजारको दुईवटा दोकानमा चोरी

सिलगढी : बाघडुग्रा हाट बजारको दुईवटा दोकानमा एकैसाथ चोरी भएको घटना प्रकाशमा आएको छ। प्राप्त जानकारी अनुसार केही दुष्कृतिहरूले बाघडुग्रा हाट बजारमा रहेको एउटा दोकानको छाना काटेर अनि अर्को दोकानको देवाल भत्काएर चोरी गरेको बताइएको छ। आज बिहान दुवै दोकानका मालिकहरूले दोकान खोल्दा भित्र सबै सर समानहरू छरपस्ट रहेको देखेपछि घटनाबारे बाघडुग्रा थाना पुलिसलाई खबर दिए। घटनाको खबर पाएर पुलिस घटनास्थलमा पुगेर छानबीन शुरू गरेको छ। दोकानेहरूको भनाइअनुसार यहाँदेखि बाघडुग्रा थाना लगभग मात्र 200 मीटर टाढामा रहे तापनि चोरीको घटना घटेकोमा तिनीहरूले असन्तुष्ट व्यक्त गरेका छन्। पुलिस सूत्रले दिएको जानकारी अनुसार चोरी मामिलामा सन्देहको आधारमा एकजना व्यक्तिलाई हिरासतमा लिएको छ।