बाघडुग्रामा एउटा ठुलो अजिङ्गर उद्धार

बाघडुग्रा : बाघडुग्राको मुस्लिमपाडा इलाकाबाट गत राति एउटा ठुलो अजिङ्गर उद्धार गरिएको छ। प्राप्त जानकारीअनुसार गत राति स्थानीय मानिसहरूले इलाकाको एउटा घर नजिक ठुलो अजिङ्गर देखेपछि यसबारे वन विभागलाई खबर दिए। खबर पाएर बाघडुग्रा वन विभागका कर्मीहरू घटनास्थलमा पुगेर उक्त अजिङ्गरलाई उद्धार गरे। यसपछि उक्त अजिङ्गरको स्वास्थ्य जाँच गरेर सुरक्षित जङ्गलमा छोडिदिने वन विभाग सूत्रले जनाएको छ।