बाघडुग्रा : बाघडुग्राको ज्योतिनगर इलाकाको लाला बस्तीमा एउटी गृहिणीको झुन्डिएको अवस्थामा शव उद्धार भएको छ। मृतक गृहिणी 21 वर्षीय काजल ठाकुरको रूपमा चिन्हित गरिएको छ। पारिवारिक सूत्रले दिएको जानकारी अनुसार गत 4 वर्षअघि मुन्ना ठाकुरसित काजल ठाकुरको बिहे भएको थियो भने तिनीहरूको एउटा छोरा पनि छ। बिहेपछि पारिवारिक समस्या चलिरहेकोले गर्दा नै उक्त घटना भएको परिवारका सदस्यहरूले अनुमान लगाएका छन्। घटनाको खबर पाएर पुलिस घटनास्थलमा पुगेर शव उद्धार गरेर पोस्टमार्टमको लागि उत्तरबंग मेडिकल कलेज एवम् अस्पतालमा पठाउनको साथै घटनाको जाँच शुरू गरेको पुलिस सूत्रले जनाएको छ।