बाँकुडामा नर्सिङ कर्मीमाथि हमला गरेको प्रतिवादमा वेस्ट बेङ्गल नर्सेस एसोसिएसनद्वारा विक्षोभ

सिलगढी : बाँकुडा जिल्लामा नर्सिङ कर्मीमाथि केही दुष्कृतिहरूद्वारा हमला तथा शारीरिक शोषण गरेको प्रतिवाद जनाउँदै आरोपीलाई चाँडै पक्राउ गर्ने माग वेस्ट बेङ्गल नर्सेस एसोसिएसनले आवाज उठाएको छ। वेस्ट बेङ्गल नर्सेस एसोसिएसनको तर्फबाट आज उत्तरबंग मेडिकल कलेज एवम् अस्पतालमा विक्षोभ प्रदर्शन गर्नको साथै कालो ब्याच लगाएर कालो दिवस पालन गरियो। संगठनको दार्जिलिङ जिल्ला सचिव कल्पना भौमिकले गत 28 जुलाईमा बाँकुडाको शिमलापाल ब्लकको एउटी नर्सिङ कर्मीमाथि केही दुष्कृतिहरूले हमला गर्नको साथै तिनीमाथि शारीरिक शोषण गरेपछि हत्या गर्ने प्रयास गरेको बताइन्। हाल उक्त नर्सिङ कर्मी आशंकाजनक अवस्थामा उपचाराधीन अवस्थामा छिन्। उक्त घटनाका आरोपीहरूलाई चाँडै पक्राउ गरेर कठोर सजाय दिइनुपर्ने आफूहरूको माग रहेको तिनले बताइन्।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.