सिलगढी : बाल दिवसको अवसरमा राउन्ड टेबल इन्डिया, लेडिज सर्कल इन्डिया, मित्तल फाउन्डेसन र बाल कृष्ण संघको संयुक्त पहलमा सिलगढी नगरनिगमको 41 नम्बर वार्डमा एउटा कार्यक्रमको आयोजना गरियो। आज भारतका पहिलो प्रधान मन्त्री जवाहरलाल नेहरूको जन्मदिन हो। तिनको प्रतिकृतिमा फुलमाला चढाएर श्रद्धाञ्जलि अर्पण गरेपछि कार्यक्रमको शुभारम्भ गरियो। कार्यक्रममा बस अनि चित्र बनाऊ प्रतियोगिता लगायत विविध सांस्कृतिक कार्यक्रमको आयोजना गरियो।
बस अनि चित्र बनाऊ प्रतियोगितामा 150 जना नानीहरूले अशं ग्रहण गरेका छन् भने प्रतियोगितामा पहिलो, दोस्रो अनि तेस्रो स्थान प्राप्त गर्ने प्रतियोगीहरूलाई पुरस्कार प्रदान गरिनेछ। यस अवसरमा हिन्दी अकादमीका चेयरम्यान विवेक गुप्ता मुख्य अतिथिका रूपमा उपस्थित थिए। मित्तल फाउन्डेसनका अध्यक्ष सेविका मित्तलले बताएअनुसार कोरोना महामारीले गर्दा विशेष गरेर नानीहरूलाई पनि निक्कै प्रभाव परेकोले गर्दा तिनीहरूलाई खुसी पार्ने उद्देश्य लिएर आज कार्यक्रमको आयोजना गरिएको हो।