बन्द चियाकमानका नानीहरूलाई शिक्षण सामग्रीहरू वितरण

अलिपुरद्वार : कालचिनी युथ एसोसिएशनको तर्फबाट बन्‍द अवस्थामा रहेको चियाकमानका श्रमिकहरूका नानीहरूलाई पठन-पाठनको सामग्रीहरू वितरण गरियो। गत तीन महीनादेखि बक्सा डुवर्स टी कम्पनीको कालचिनी तथा रायमाटाङ चियाकमान बन्‍द अवस्थामा रहेकोले दुवै चियाकमानका श्रमिकहरूले निक्कै समस्या भोग्न परिहेका छन्। चियाश्रमिक परिवारले नानीहरूको पढाईको खर्च समेत वहन गर्न नसकिरहेकोले गर्दा नै आज कालचिनी युथ एसोसिएशनका सदस्यहरूले उक्त पहल गरेको बताइएको छ।