बंगालमा डेमोक्रेसीले अन्तिम श्वास लिइरहेको छ : राज्यपाल जगदीप धनखड़

खरसाङ: पहाड़मा विरोध प्रदर्शन झेलेपछि राज्यपाल जगदीप धनखड़ले खरसाङको टुरिस्ट लजमा पत्रकारहरूसित कुराकानी गर्दै मीडियाको कार्यप्रणालीमाथि प्रश्न उठाउँदै राज्यपाल जगदीप धनखड़ले पश्चिम बंगालमा मीडियाको रवैयाले डेमोक्रेसीले अन्तिम श्वास लिइरहेको छ र दया गरेर चौथो स्तम्भ हुनुको जिम्मेवारी निभाउनुहोस् भनी सबैसित अपील गरे। यसबाहेक राज्यपालले राज्य सरकारमाथि प्रश्न उठाउँदै  चारवटा राज्य अनि एउटा युनियन टेरिटोरीमा चुनाउ भयो तर चुनाउपछि बंगालमा मात्रै रक्त रञ्जित किन? पश्चिम बङ्गालमा चुनाउपछि जुन हिँसा भएको छ त्यो आजादीपछि आजसम्म कसैले देखेको छैन, पुरा प्रान्त कति भयावह स्थितिमा छ भन्दै प्रश्न गरे। यो लोकतन्त्रको लागि ठुलो खतरा हो भनी तिनले आरोप लगाए। तिनले कालो झण्डा देखाउनेहरू कोही ठाउँमा दुईजना, कोही ठाउँमा तीनजना मात्रै रहेको बताउँदै बंगालमा मात्र किन टकराउ र टक्कर छ भनी तिनले प्रश्न तेर्साए।