भागोप्रमो-को मङ्पु लाब्दा समष्टि प्यारेन्ट बडी पूर्ण गठन भएको अध्यक्ष अनित थापाले गरे घोषणा

मङ्पु: मङ्पु लाब्दा समष्टि समितिको (प्यारेन्ट बडी) पूर्ण गठन भएको आज अनित थापाले घोषणा गर्दै यो समितिमा गगन राई अध्यक्ष अनि अनिल क्षेत्री महा सचिव रहने बताए। सभालाई सम्बोधन गर्दै तिनले भने, सङ्गठन व्यक्ति केन्द्रित होइन, मुद्दा अनि सिद्धान्त केन्द्रित भएर चल्नु पर्छ। पार्टी बलियो बनाउनु हो भने व्यक्ति सक्षम हुनु अनिवार्य छ। व्यक्ति मात्र बलियो अथवा शक्तिशाली होइन परन्तु संगठन शक्तिशाली बन्नु पर्छ। जब संगठन बलियो बन्छ तब हामी जनताको आवाज बन्नु सक्छौ। भारतीय गोर्खा प्रजातान्त्रिक मोर्चा जनताको हित अनि हकको निम्ति संघर्ष गर्ने पार्टी हुनुपर्छ। राजनीति गर्नु मात्र हाम्रो उद्देश्य होइन। राजनीति जनताको आवाजलाई ठीक ठाउँमा पुर्याउने माध्यम हुनुपर्छ भनि पार्टी अध्यक्ष अनित थापाले बताए। मङपु लाब्दा समष्टिका नव नियुक्त सम्पुर्ण कार्यकारीणी सदस्यहरुलाई तिनले शुभकामना अनि बधाई दिए।