सुकेपोखरी (निसं): जाति उन्मुक्तिको लागि गरिएको गोर्खाल्याण्ड आन्दोलनमा प्राणको आहुति दिने सहिदहरूको स्मरणमा आज भोगोप्रमो युवा शक्ति सुके मानेभञ्ज्याङ समष्टिले पनि सहिद दिवस समष्टि कार्यालयमा पालन गऱ्यो। जाति उन्मुक्तिको आन्दोलनमा प्राणको आहुति दिने ती वीर सहिदहरुलाई आज स्मरण गर्दै श्रद्धाञ्जलि अर्पण गरियो। सुके मानेभञ्ज्याङ समष्टि भागोप्रमो युवा शक्ति सभापति टाँशी भोटियाको अध्यक्षतामा सम्पन्न सहिद दिवस कार्यक्रममा समष्टि युवा शक्ति सचिव प्रणय राणा लगायत पार्टीका अन्य नेतृत्वगणको उपस्थिति रहेको थियो।
समष्टि सभापति टाँशी भोटियाले बताए अनुसार गोर्खाल्याण्ड आन्दोलनकालमा सहिद भएकाहरूलाई स्मरण गर्दै आज तिनीहरूलाई एउटा कार्यक्रमबीच श्रद्धाञ्जलि अर्पण गरियो। भागोप्रमो सुके मानेभनज्याङ समष्टि कार्यालयमा सम्पन्न कार्यक्रम हुन अघि सहिद वेदीमा समष्टिका पदाधिकारीगण तथा युवा शक्तिका कार्यकर्ताहरूले दिप प्रज्वलन गरेर दुई मिनटको मौन धारण गर्नका साथै प्रार्थना सभाको पनि आयोजना गरियो।