भाजपाद्वारा विभिन्न मागलाई लिएर सिलगढी नगर निगमको 4 नम्बर बोरो अफिसमा विरोध प्रदर्शन

सिलगढी: विभिन्न मागलाई लिएर भाजपाका समर्थकहरूले आज सिलगढी नगर निगमको 4 नम्बर बोरो अफिसमा विरोध प्रदर्शन गरे। आज नगर परिसेवा सम्बधित विविध मागलाई लिएर भाजपाको 5 र 6 नम्बर मण्डल कमिटीले विरोध जनाउनको साथै कमिटीको तर्फबाट 4 नम्बर बोरो अफिसमा एउटा ज्ञापन पनि चढाए। यस अवसरमा सिलगढीका विधायक शंकर घोष पनि उपस्थित थिए। कमिटीका कार्यकर्ताहरूले चुनाउको अवधि बितिसक्दा पनि अन्य नगर पालिकाहरूमा झै सिलगढीमा नगर चुनाउ नभएकोले गर्दा शहरवासीहरू नगर सेवाबाट वञ्चित भएपछि धेरै समस्या भइरहेको बताए। यसको साथै शहरमा मैला-कुचैलाको थुप्रो जमिएको साथै जल निकासी व्यवस्था राम्रो नरहेको तिनीहरूको भनाइ रहेको छ। अर्कोतिर, भाजपाका सिलगढी साङ्गठनिक जिल्ला अध्यक्ष जयदीप नन्दीले सिलगढीमा नगर चुनाउको व्यवस्था चाँडै गरिनु पर्ने माग गरेका छन्। यदि आफुहरूको माग पूरा नभए आउँदो दिनमा नगर निगममा विरोध प्रदर्शन गरिने तिनले जानकारी दिएका छन्।