भाजपाद्वारा सिलगढीको 11 र 12 नम्बर वार्डका मानिसहरूलाई तारपोलिन वितरण

सिलगढी : भारतीय जनता पार्टी सिलगढी सांगठनिक जिल्ला 7 नम्बर मण्डलको पहलमा सिलगढी नगरनिगमको 11 र 12 नम्बर वार्डका मानिसहरूलाई तारपोलिन वितरण गरियो। विधायक राहत कोषबाट उक्त तारपोलिन वितरण गरिएको बताइएको छ। वर्षाले गर्दा धेरैजना मानिसहरूको घर क्षतिग्रस्त भएपछि यसबारे भाजपाका विधायकलाई जानकारी गराएपछि विधायक कोषबाट तारपोलिन वितरण कार्यक्रमको आयोजना गरियो। भाजपा नेता नान्टु पालले  आफ्नो कार्यालय अघि पीडित इलाकावासीहरूलाई तारपोलिन वितरण गरे। आज 15 जना मानिसहरूलाई तारपोलिन वितरण गरियो भने आगामी दिनमा अन्य मानिसहरूलाई पनि तारपोलिन वितरण गरिने तिनले बताए। यसबाहेक कार्यक्रममा प्रधान मन्त्री गरिब कल्याण अन्न योजना परियोजनाको पनि प्रचार गरियो।