भाजपाको बन्दलाई असफल पार्न नक्सलबारीमा तृणमूल समर्थकहरू ओर्लिए सडकमा

नक्सलबारी: भारतीय जनता पार्टीले राज्यभरिमा बोलाइएको 12 घण्टा बन्दलाई असफल पार्नको लागि आज दिउँसो यता नक्सलबारी क्षेत्रमा तृणमूल कङ्ग्रेसका समर्थकहरू सडकमा ओर्लिए। बन्दको विरोध गर्दै आज नक्सलबारी तृणमूल कङ्ग्रेस पार्टी कार्यालयबाट एउटा ऱ्यालीको पनि आयोजना गरियो। उक्त ऱ्यालीले विभिन्न इलाकाको परिक्रमा गरेर पुनः पार्टी कार्यालयमा आइपुगेर समापन गरियो। उक्त ऱ्यालीको माध्यम तृणमूल कार्यकर्ताहरूले स्थानीय व्यवसायी अनि साधरण मानिसहरूलाई भाजपाले बोलाएको आजको बन्दलाई असफल पारिदिने अपील गरे। यस सम्बन्धमा नक्सलबारी ब्लक 2 तृणमूल कङ्ग्रेस अध्यक्ष पृथ्वीश रायले भने, राज्यभरिकै 108 वटा नगरपालिकामा सम्पन्न भएको चुनाउमा सामान्य छुटपुट घटना वाहेक मतदान शान्तिपूर्ण रूपमा सम्पन्न भयो। हामी सबैलाई भाजपाले बोलाएको बंगाल बन्दलाई असफल पारिदिने अपील गर्दछौ।