सिलगढी : बङ्गालमा भाजपालाई झुटो झट्का। भाजपाका वरिष्ठ नेता मुकुल राय आफ्नो छोरा शुभ्राङ्सुसहित तृणमूल कङ्ग्रेसमा आज फर्किने सम्भावना रहेको छ। आज अपरान्ह 3 बजी मुकुल रायले मुख्यमन्त्री ममता ब्यानर्जीसित भेट गर्न पार्टी कार्यालयमा जाने सूत्रले बताएको छ। उक्त भेट अवधि अभिषेक ब्यानर्जी पनि उपस्थित रहनेछन्। विधानसभा चुनाउमा बङ्गालमा भाजपाको गतिलो पराजय भएर तृणमूलको जीत भएपछि केही पुरानो टीएमसीका नेता तथा कार्यकर्ताहरू फेरि पार्टीमा फर्किआउने भएका छन्। यसमा सबैभन्दा पहिला मुकुल राय सामेल छन्। तिनी पुनः आफ्नो पुरानो पार्टी तृणमूलमा फर्केपछि अन्य केही शीर्ष भाजपाका नेतृत्वहरू पनि तृणमूलमा फर्किआउने चर्चा रहेको छ। सम्भवतः भाजपाका शीर्ष नेतृत्वहरूले बङ्गालमा शुभेन्दु अधिकारीलाई अधिक प्राथमिकता दिएपछि नै निराश भएर मुकुल राय पुनः आफ्नो पुरानै पार्टीमा फर्कन चाहेको राजनैतिक पर्यवेक्षकहरूको भनाइ रहेको छ।
(फाइल फोटो)