मङपु: भाजपा नेता कैलाश विजय वर्गीयको बयानलाई लिएर गोजमुमो अध्यक्ष बिमल गुरूङले घोर भर्त्सना जनाउँदै यसको आपत्ति जनाएका छन्। तिनले आज मङ्पुमा चुनाउ प्रचार अवधि पत्रकारहरूसितको कुराकानीमा भने, भाजपाले हाम्रो बिषयमा र हामी कहाँको हो भन्ने राम्ररी बुझेको छैन रहेछ। यसैले भाजपाको बङ्गाल प्रभारी बिजय वर्गीयले हाम्रो विषयमा अनि हामी नेपालको हो र 11 जात-गोष्ठी नेपालको निम्ति काम गर्दैछु भन्छन्। यदि तिनले त्यसो भन्छन् भने हामी नेपालको हो भन्ने प्रमाण दिनुपर्छ। प्रमाण देउ अनि मात्र भोट माग भन्दै भाजपा नेतालाई मोर्चा अध्यक्ष बिमल गुरुङले लाखेस् गराएका छन्।
यसैगरी, भाजपाका वरिष्ठ नेता अमित साहले पनि बङ्गाल विभाजन हुँदैन अनि पार्टीको यस्तो कुनै सोंच नरहेको कुरा एउटा पत्रकार सम्मेलनम बताएको कुरा मोर्चा बिमल गुरुङले जनाए। आज गोजामुमो अध्यक्ष बिमल गुरुङले मङपुको रञ्जुभेली, लाब्दा बस्ती, लाब्दा विभाग, रेसेप बजार, रेसेप भष्मे अनि मङपुको परिभ्रमण गर्दै चुनावी सभा गरे। यस अवसरमा तिनलाई विभिन्न ठाउँहरूमा पार्टीका समर्थकहरुले भव्य रूपमा स्वागत जनाउँदै नारा लगाए। मोर्चा अध्यक्ष बिमल गुरुङले यस अवसरमा लाब्दा दोङाग छोईलिङ सार्वजनिक बौद्ध गुम्बामा पुगेर बत्ती बाल्दै पुजा अर्चना पनि गरे। यसपछि पत्रकारहरुलाई सम्बोधन गर्दै तिनले गोजमुमो 1-का दार्जिलिङ, खरसाङ र कालेबुङ तीनै आसनका उम्मेदवारले आउँदो विधानसभा चुनाउमा सय प्रतिशत नै विजयी हुने ठोकुवा गरे।