भाजपा महिला मोर्चा-द्वारा महिला अत्याचारविरुद्ध 18 सेप्टेम्बरमा विरोध र्‍याली

सिलगढी : बंगालमा महिलाहरूमाथि अत्याचार बढ्दै गइरहेकोले यसको प्रतिवाद जनाउँदै भाजपा महिला मोर्चा-ले आगामी 18 सेप्टेम्बरको दिन सिलगढीको भेनस मोड़बाट एउटा विशाल र्‍याली निकालिइने भएको छ। भाजपा प्रदेश महिला मोर्चा अध्यक्ष अग्निमित्रा पाल आज सिलगढीको बाघडुग्रा एयरपोर्ट आइपुगेपछि तिनले यसबारे जानकारी गराइन्। तिनले उक्त र्‍यालीमा  सबै महिलाहरूलाई सहभागी बन्ने अपील गरेकी छन्। बंगालमा महिलाहरूमाथि दिनप्रतिदिन शोषण बढ्दै गइरहे तापनि महिलाहरूमाथि शोषण गर्ने मानिसहरू मुख्यमन्त्रीका नजिककाहरू रहेकोले गर्दा नै तिनी मौन रहेको आरोप लगाइन्। तिनले मुख्यमन्त्रीलाई कटाक्ष कस्दै यदि बंगालमा महिला, युवती तथा नाबालिकासित दुष्कर्म गरियो भने यसको लागि मुख्यमन्त्रीले अलग-अलग क्षतिपूर्ति तय गरिरहेको बताइन्। मुख्यमन्त्री  स्वयम् एकजना महिला भएर पनि बंगालको महिलाहरूको इज्जतसित खेलाइँची गरिरहेको तिनले बताइन्। मुख्यमन्त्री ममता ब्यानर्जीले आफ्नो सत्ता बचाउनको लागि उत्तर बंगाल भ्रमणमा आइरहेकी तिनले दावी गरिन्।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.