भाजपा महिला मोर्चाद्वारा सिलगढीमा कानुन तोडौँ आन्दोलन, धेरैजना पक्राउ

सिलगढी : राज्यभरिमै महिलाहरूसित दुर्व्यवहार तथा कोरोना भ्याक्सिनको कालो बजारी भइरहेको आरोप लगाउँदै सिलगढी सांगठनिक जिल्ला भाजपा महिला मोर्चाले कानुन तोडो कार्यक्रम शुरू गरेको छ। संगठनको तर्फबाट आज एउटा र्‍याली निकालिइयो। उक्त र्‍याली महकुमाशासक कार्यालय पुगेपछि विशाल पुलिस वाहिनी त्यहाँ पुगेर र्‍यालीलाई रोकेर अघि बढ्न नदिएपछि संगठनका नेताहरूले पुलिस ब्यारिकेड भत्काएर महकुमाशासकको कार्यालयतर्फ अघि बढ्यो। यस अवधि संगठनका नेताहरूसित पुलिसको हातापाई हुँदा पुलिसले केही कार्यकर्ताहरूलाई पक्राउ गरेको छ। बंगालकी मुख्यमन्त्री एउटी महिला भएर पनि महिलाहरूको सुरक्षाको लागि कुनै पहल नगरेको संगठनको भनाइ रहेको छ। राज्यभरिमै महिलाहरूविरुद्ध हिंसा बढ़िरहेको साथै कोरोनाको भ्याक्सिनको समेत कालो बजारी भइरहेको छ। यसको साथै भ्याक्सिन लगाउन जाँदा मानिसहरूले धेरै असुविधाको सामना गर्न परिरहेको छ।