भाजपा नेता राहुल सिन्हालाई प्रचार गर्न 48 घण्टा प्रतिबन्ध

सिलगढी: पश्चिम बंगालको जारी विधान सभा चुनाउलाई लिएर विवादित वयानबाजी गर्ने नेताहरू विरूद्ध चुनाउ आयोगले त्वारित कार्यवाही गरेको देखिँदैछ। यसै क्रममा ममता पछि विवादित वयानबाजी गरेको आरोपमा चुनाउ आयोगले भाजपा नेता राहुल सिन्हालाई चुनाउ प्रचार गर्न 48 घण्टा रोक लगाएको छ। प्राप्त जानकारी अनुसार पश्चिम बंगालको कुचबिहारमा सीआईएसएफद्वारा चलाइएको गोली लागेर चारजनाको मृत्यु भएपछि भाजपा नेता राहुल सिन्हाले उक्त घटनाबारे बोल्दै सीआईएसएफ-ले चार होइन तर आठ जनालाई गोली हान्नु पर्ने थियो भन्ने जस्ता विवादित बयान दिएका थिए। उक्त टिप्पणीलाई ध्यानमा राखेर चुनाउ आयोगले उक्त निर्णय लिएको बताइएको छ। स्मरण रहोस, हिजो चुनाउ आयोगले ममता ब्यानर्जीमाथि चुनाउ प्रचार गर्नको लागि 24 घण्टा रोक लगाएपछि यसको प्रतिवाद जनाउँदै आज कोलकातामा गान्धीजीको मूर्ति अघि मुख्यमन्त्री ममता ब्यानर्जी धरनामा बसेकी छन्।


Leave a Reply

Your email address will not be published. Required fields are marked *