भारत नेपाल सिमानाको एसएसबी कमाण्डेन्ट सुभाष चन्द्र नेगीद्वारा निरीक्षण

खोरीबारी: भारत नेपाल सिमानास्थित सी कम्पनी नेग्राडुबा क्षेत्रको आज एसएसबी 41 औं बटालियन रानीडांगा कमाण्डेन्ट सुभाष चन्द्र नेगीले निरीक्षण गरे। यस अवधि कमाण्डेन्टले सीमासित सम्बन्धित विभिन्न विषयमा जानकारी लिए। यसको साथै तिनले एसएसबी जवानहरूलाई आवश्यक निर्देश पनि दिए। निरीक्षणको समय कमाण्डेन्ट सुभाष चन्द्र नेगीसित सी कम्पनीका इञ्चार्ज इन्स्पेक्टर पेम थिन्ले लगायत जवानहरू उपस्थित थिए। एसएसबी सूत्रले दिएको जानकारी अनुसार कोविड – 19 लाई लिएर जारी गरेको लकडाउन विषयलाई लिएर कमाण्डेन्ट सुभाष चन्द्र नेगीले आज भारत नेपाल सीमा क्षेत्रको निरीक्षण गरेको बताइएको छ। भारत नेपाल सीमास्थित नेग्राडुबादेखि भक्सरभिट्टा पिलर संख्या 106 देखि 102 सम्म तिनले निरीक्षण गरे। निरीक्षण अवधि विभिन्न तथ्यहरूबारे जानकारी लिए। निरीक्षण पछि कमाण्डेन्टले जवानहरूलाई गाउँलेहरूसित समन्वय स्थापित गरेर सीमा क्षेत्रमा गहन नजरदारी राख्ने निर्देश दिएका छन्।