भोलिदेखि 27 मार्चसम्म राज्यका सबै सहरहरूमा लकडाउन

देशमा कोरोना भाइरसको सङक्रमणको बढ्दो प्रकोपलाई ध्यानमा राखेर राज्य सरकारले भोलि अर्थात् 23 मार्च साँझ 5 बजीदेखि 27 मार्चसम्म पश्चिम बङ्गालमा लकडाउनको घोषणा गरेको छ। यस अवधि राज्यमा सबै यातायात लगायत, दोकानपाट, अफिस, कारखाना बन्द रहने भएको छ भने लकडाउन अवधि आवश्यकीय व्यवस्थाहरू जस्तै पिउने पानी, ब्याङ्क, टेलिफोन, इन्टरनेट, खाद्य, सब्जी, राशन दोकान, अस्पताल, स्वास्थ्य केन्द्र, औषधि दोकान, विद्युत परिसेवा आदि खुल्ला रहनेछ। राज्यका सबै नागरिकलाई लकडाउन अवधि घरभित्र रहने राज्य सरकारले अनुरोध गरेको छ। भोलि साँझ 5 बजीदेखि आगामी 27 मार्चसम्म उत्तरबङ्गालको सिलगढी, दार्जिलिङ, खरसाङ, कालेबुङ, कुचबिहार, अलिपुरद्वार, जलपाईगढी, उत्तरदिनाजपुर, दक्षिण दिनाजपुर र मालदा आदि जिल्लामा राज्य सरकारले लकडाउनको घोषणा गरेको छ। हालसम्म कोरोना भाइरसको सङ्क्रमणले गर्दा देशमा 6 जनाको मृत्यु भइसकेको छ भने 3 सयभन्दा अधिक कोरोना भाइरसले सङ्क्रमित भएको छ। पश्चिम बङ्गालमा हालसम्म कोरोना भाइरसको सङ्क्रमणले मर्नेहरूको सङ्ख्या 4 पुगिसकेको छ। कोरोना भाइरसको सङ्क्रमणलाई रोकथाम गर्ने उद्देश्य लिएर आज देशभरि नै प्रधानमन्त्री नरेन्द्र मोदीको अपीलमा जनता कर्फ्यू पालन गरियो। यसको साथै समस्त यात्रीवाही ट्रेन परिसेवा पनि आगामी 31 मार्चसम्म रद्द गरिएको छ। तथापि, समस्त जरुरी परिसेवाहरू चालू रहने सरकारी सूत्रमार्फत् थाहा लागेको छ।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.