बिजनबारीको रेलिङमा सेनिटाइज तथा मास्क वितरण

बिजनबारी: कोरोना संक्रमणको बढ्दो संक्रमणलाई रोक्ने उद्देश्य लिएर मानवीय आस्था संघ अनि संघर्ष स्वनिर्भर दल बिजनबारी रेलिङको संयुक्त आयोजनामा घर-घरमा मास्क वितरण गर्नको साथै सेनिटाइज गरियो। उक्त सेनिटाइज तथा मास्क वितरण गर्ने कार्य रेलिङ वर डाँडादेखि शुरू गरेर विभिन्न गाउँहरू हुँदै बखिमे गाउँसम्म गरियो। शेख नुर आलामको नेतृत्वमा उक्त कार्यक्रम हाल तिनीहरूले गाउँमा चलाइरहेको साथै कोरोना जस्तो बिमारीलाई रोकथाम गर्न आवश्यक समाग्रीहरु मास्क तथा सेनिटाइजर वितरण गरिरहेको तिनले बताए। अर्कोतिर, भाइरसको बढ्दो संक्रमणलाई रोक्नको निम्ति आफ्नो प्राणको पर्वाह नगरी अघि आएकोमा आयोजकहरूप्रति स्थानीय पास्टर नर्जीत राईले आभार प्रकट गरेका छन्।