बिजनबारीमा “आकाश खसे झैं” म्युजिक अडियोको विधिवत् लोकार्पण

बिजनबारी: धेरै समयदेखि साङ्गीतिक क्षेत्रमा काम गर्दै आइरहेका मझुवा ग्राम पञ्चायत अधीनस्थ लङ्गुरदाङ, खोलेङ्गटार निवासी गायक सुबास खालिङको “आकाश खसे झैं” म्युजिक अडियो आज विधिवत रूपमा लोकार्पण गरियो। मदन खालिङद्वारा सञ्चालित कार्यक्रममा स्वागत सम्भाषाण बिकाश शर्माले राखेका थिए भने कार्यक्रममा प्रमुख अतिथिको बहुलीबाट उक्त म्युजिक अडियोको लोकार्पण गरियो। आजको कार्यक्रममा नव उदय संघले सर्जक सुबास खालिङलाई सम्मान पत्रद्वारा सम्मानित गरियो। नव उदय संघको आयोजनमा स्थानीय खोलेङ्गटार सार्वजनिक भवनमा सम्पन्न कार्यक्रममा सभाध्यक्ष सनिप सुब्बा, प्रमुख अतिथि गायक तथा साङ्गीतकार अनिल फागो, विशिष्ट अतिथि डा. कमल पोखरेल, गोकुल देवान, गायक सुमन फागो, गायक कमल ‘पूर्विली‘ थापा, गजलगो ओम प्रकाश शर्मा ‘अभिन्न‘, कवि महेश दाहाल, कवि लेखनाथ छेत्री, उत्तमराज पोखरेल लगायत विभिन्न संघ संस्थाका प्रतिनिधिहरू उपस्थित थिए।