बिमल गुरूङद्वारा नेहरु बालासन स्कूलको मरमति गर्न 50 हजार रुपियाँ आर्थिक सहयोग

सोनादा: जीर्ण अवस्था पुगेको नेहरु बालासन जुनियर हाई स्कूलको मरमति गर्नको लागि गोजमुमो अध्यक्ष बिमल गुरुङले आज 50 हजार रुपियाँ सहयोग प्रदान गरे। गत 44 वर्ष अघिदेखि सञ्चालन हुँदै आएको नेहरु बालासन जुनियर हाई स्कूलको अवस्था जीर्ण भएर हाल स्कुल बन्द हुने स्थितिमा पुगेको छ। त्यसैले उक्त स्कुललाई पुनर्निर्माण गरेर सञ्चालनमा ल्याउनको लागि गोर्खा जनमुक्ति मोर्चाका अध्यक्ष बिमल गुरूङ अघि आएको छ। स्मरण रहोस्, बिमल गुरुङ जीटीएको प्रमुख कार्यपाल रहँदा उक्त स्कुलको जीर्ण अवस्था देखेर स्कुलको पुर्ननिर्माणको निम्ति 22 लाख 50 हजार रुपियाँ आवन्टन गरेर पुनर्निर्माण कार्य गरेका थिए तर 2017-को आन्दोलन पछि स्कुलको अवस्था फेरि पनि जीर्ण बन्न पुगेको छ। यसर्थ, उक्त स्कुललाई फेरि सञ्चालनमा ल्याउनको निम्ति स्कुलको मरमति गर्न भनेर आज बिमल गुरूङले 50 हजार रूपियाँ नेहूर बालासन खण्डको गोर्खा जनमुक्ति मोर्चा प्रतिनिधिहरुलाई प्रदान गरे।