बिमल गुरूङको नेतृत्वमा पेदोङ क्षेत्रमा सेनिटाइज तथा कोरोना संक्रमित परिवारलाई खाद्य वितरण

कालेबुङ : गोजमुमो संस्थापक अध्यक्ष बिमल गुरूङ अनि तिनको टोलीले हाल कालेबुङ जिल्लाको विभिन्न ठाउँहरूमा गएर दिनहुँ लगातार सेनिटाइज गर्ने तथा मास्क एवम् खाद्य सामग्रीहरू वितरण गरिने कार्यहरू गरिरहेको छ। यसै क्रममा आज पार्टी अध्यक्ष बिमल गुरूङको नेतृत्वमा कालेबुङको पेदोङ क्षेत्रको विभिन्न ठाउँहरूमा गएर सेनिटाइज गर्नको साथै कोरोना संक्रमित परिवार तथा आवश्यकमन्द परिवारका सदस्यहरूलाई खाद्य सामग्री तथा औषधिहरू वितरण गरे। यस अवसरमा बिमल गुरूङले बताएअनुसार हाल पार्टीको तर्फबाट जीटीएको विभिन्न क्षेत्रहरूमा सेनिटाइज गरिने कार्य बाहेक खाद्य सामग्री तथा अन्य आवश्यक सर-समानहरू वितरण गरिने कार्य सम्पन्न भइरहेको छ। यसैले गर्दा गत तीन दिनअघि कालेबुङ आइपुगेपछि हाल यस जिल्लाको विभिन्न सुदूरवर्ती क्षेत्रहरूमा पुगेर मानिसहरूलाई खाद्य सामग्री तथा औषधि लगायत सेनिटाइज गरिने कार्य जारी छ।