खरसाङ: केही दिन अघि बिमल गुरुङले खरसाङलाई केवल शौचालय प्रयोगको लागि मात्रै भनिएको टिप्पणीको विरोध गर्दै आज बिहानै खरसाङ बजारमा पोष्टरिङ गरियो। जनताको नाममा टाँसिएको पोस्टरहरू बजारको मोटर स्ट्याण्ट लगायत पार्क लोकेशन अघि एवम् बजारको अन्य स्थानहरूमा पनि टाँसिएको छ। खरसाङको जनताको नाममा टाँसिएको पोस्टरहरूमा “सुनखरीको शहर खरसाङलाई शौचालय प्रयोग गर्ने स्थान मात्रै हो भन्ने बिमल गुरुङको मानसिकताप्रति घोर विरोध एवम् खण्डन गर्दछौं।”
खरसाङ बजार जस्तो सुन्दर र स्वच्छ परिवेशलाई शौचालय प्रयोग गर्ने स्थान भन्ने मूर्ख व्यक्ति बिमल गुरुङ हाय! हाय!” खरसाङलाई केवल शौचालय प्रयोग गर्ने स्थान मात्रै भन्ने बिमल गुरुङ जस्तो नेताको रोगी मानसिकताको प्रतिफल हो, खरसाङलाई यस्तो देख्नु 2007 देखि 2017 सम्म चौकीमा बस्नेले खरसाङको लागि के गरेको छ जवाब देऊ ।” भनी जनताको नाममा पोस्टरिङ गरिएको छ।