बिमल गुरुङसित भेट गरे भूतपूर्व सैनिक एवम् अर्धसैनिक सदस्यहरूले

खरसाङ : खरसाङ भ्रमणमा रहेका गोजमुमो अध्यक्ष बिमल गुरूङलाई मेजर डीके गुरूङको अगुवाईमा भूतपूर्व सैनिक एवम् अर्धसैनिक सदस्यहरूले आज भेट गरे। उक्त भेटघाट अवधि तिनीहरूले भने, गोर्खा जनमुक्ति मोर्चाले नै गोर्खाल्याण्डको मुद्दालाई अघि बढाउने भएकोले अध्यक्ष बिमल गुरुङको हात बलियो बनाउन आफूहरू अघि आएको बताए। यस अवसरमा मेजर गुरुङले भने, आफूहरूले भए पनि मुद्दा फत्ते गर्नुपर्छ र सबै एकजुट भएर नै यो मुद्दा फत्ते गर्न सक्छौं। 2008 मै हामीले निर्णय लिएका हौं जुन दलले गोर्खाल्याण्डको मुद्दालाई लिएर अघि बढ्छ त्यहीँ दललाई आफ्नो संगठनले समर्थन जनाउँनेछ। त्यसैले हालसम्म गोर्खा जनमुक्ति मोर्चालाई समर्थन गरेको तिनले बताए। यस अवधि अध्यक्ष बिमल गुरूङले आफुले मुद्दालाई कहिले पनि धोखा नदिएको अनि धोखा दिने काम पनि नगर्ने बताए।


Leave a Reply

Your email address will not be published. Required fields are marked *