बिमलपन्थी गोजमुमो सोनादा पचेङ समष्टिको सभा

सोनादा: बिमलपन्थी गोजमुमो सोनादा पचेङ समष्टिको आयोजनामा सोनादाको न्यु लाइट सार्वजनिक भवनमा एउटा महत्वपूर्ण सभा सम्पन्न भयो। उक्त सभा बिमलपन्थी गोजमुमो केन्द्रीय उप सभापति विशाल छेत्रीको अध्यक्षता र युवा मोर्चाका केन्द्रीय सदस्य अमृत प्रधानको सञ्चालनमा सम्पन्न भयो। सभामा मुख्य अतिथिको रूपमा गोजमुमो अध्यक्ष बिमल गुरुङ उपस्थित थिए। सभालाई सम्बोधन गर्दै गोजमुमो अध्यक्ष बिमल गुरुङले भने, म साढ़े तीन वर्षसम्म विस्थापित हुँदा ग्राउण्ड जिरोमा थिइन तर अहिले म ग्राउण्ड जिरोमा छु र यो कोभिड महामारीको समय मेरो छोरा छोरीको सुर्ता लाग्छ त्यसैले म महामारीमा पनि ग्राउण्ड जिरोमा पुगेर खट्नु मन लाग्छ भनी बताए। तिनले मेरो छोरा छोरीलाई राजनैतिक पार्टीहरूले केवल प्रयोग मात्र गरेको छ भन्दै 17500 जनालई टेट परीक्षामा राख्यो मात्र तर सबैको भविष्य अन्धकार बनायो, 17,500 जनाको भविष्यप्रति खेलाइँची गरियो, सबैले नोकरीको आशा गरेर परीक्षा बसेको थियो तर भविष्य नै अन्धकार बनाएको आरोप लगाए। गोजमुमो अध्यक्ष गुरुङले राज्य सरकारसित एउटै भएर काम गर्नुपर्ने हुन्छ भन्दै म बिक्री भएको होइन, म अहिले आफ्नो घरमा पनि सुतेको छुइनँ भन्दै म पहाड़को समस्या समाधानको लागि आएको हुँ तर चौकी, बुफे बाँड़नु होइन भनी बताए। तिनले द्वारे सरकारको क्याम्पमा राजनीति भइरहेको आरोप लगाउँदै यो सरकारको स्किम हो र यसबाट सबै जनताले सुविधा पाउनुपर्छ भनी बताए। यसै सभामा पाँचवटा समष्टिहरूलाई लिएर सोनादा महकुमा समिति पनि गठन गरियो।