सिलगढी : सिलगढी नेपाली साहित्य संस्थानका संरक्षण, कथाकार, समीक्षक, अनुवादक वीर्ख खड्का डुवर्सेली (सर)-लाई तिनको पुस्तक ‘नेपाली साहित्य विमर्श’-को लागि भारत सरकारको मानव संशाधन विकास मन्त्रालयद्वारा गठित उच्च स्तरीय चयन समितिको निर्णय अनुसार पुरस्कृत गरिने भएको छ। हिन्दी भाषामा नेपाली साहित्यबारे लेखिएको पुस्तकको लागि तिनलाई यो राष्ट्रिय सम्मान प्रदान गरिने भएको सिक्किम विश्वविद्यालयका प्राध्यापक देवचन्द्र सुब्बाले जानकारी गराएका छन्।
तिनले बताएअनुसार तिनको सम्मान हाम्रो संस्थान र नेपाली समाजकै लागि ठुलो सम्मान हो। तिनले वीर्ख खड्का डुवर्सेली-लाई सिलगढी नेपाली साहित्य संस्थानको पक्षबाट हार्दिक बधाई तथा अभिनन्दन व्यक्त गरेका छन्। तिनको कलम निरन्तर अघि बढिरहोस् र नेपाली साहित्यलाई यसरी नै अन्य भाषिक समाजसम्म पुर्याउने कार्य भइरहोस् तथा तिनको सुस्वास्थ्य र दीर्घायुको कामना समेत गरेका छन्।