सिलगढी : एसएससी, अप्पर प्राइमेरी, डब्ल्युबीपीएससी परीक्षा एवम् यसको नियुक्तिमा भ्रष्टाचार भइरहेको आरोप लगाउँदै विविध मागको साथमा आज एसएफआई तथा डीवाईएफआईले आवाज उठाएको छ। दार्जिलिङ जिल्ला एसएफआई तथा डीवाएफआई-का सदस्यहरूले आज हातमा प्ला कार्ड बोकेर विक्षोभ प्रदर्शन गर्दै राज्य सरकारविरुद्ध भ्रष्टाचारको आरोप पनि लगाए। दार्जिलिङ जिल्ला एसएफआई तथा डीवाएफआई-का सदस्यहरूले आज जिल्ला स्कुल निरीक्षकसित भेट गरेर एउटा ज्ञापन पत्र चढाए। एसएफआई दार्जिलिङ जिल्ला सभापति अङ्कित दे-ले बताएअनुसार गत 2011-देखि नै एएससी, अप्पर प्राइमेरीमा नियुक्तिलाई लिएर व्यापक भ्रष्टाचार भइरहेको छ। यसको जाँच सटीक रूपमा गरोस् भन्ने आशा व्यक्त गर्दै तिनले भ्रष्टाचारमा सामेल व्यक्तिहरूविरुद्ध उचित कार्वाही गर्ने माग गरेका छन्।