बोर्डका अध्यक्ष तामसाङको समर्थनमा लेप्चाहरूको जुलूस

कालेबुङ : लेप्चा विकास बोर्डका अध्यक्ष एलएस तामसाङमाथि विभिन्न आरोपहरू लगाएर तिनलाई पदबाट हटाउनु पर्ने माग गर्दै गत केही दिन अघिदेखि कालेबुङको तृकोण पार्कमा लेप्चा समुदायका मानिसहरूले आमरण अनशन गरिरहेका छन्। यसै क्रममा आज अर्कोतिर, हजारौँका संख्यामा लेप्चा समुदायका मानिसहरू ब्यानर तथा हातमा प्ला कार्ड बोकेर कालेबुङ सहरमा बोर्ड अध्यक्ष तामसाङको समर्थनमा सडकमा ओर्लिए। तिनीहरूले कालेबुङ सहरको विभिन्न पथहरूको परिक्रमा पनि गरे।