ब्राउन सुगर सहित 2 जना महिला पक्राउ

बाघडुग्रा : बाघडुग्राको बिहार मोडबाट ब्राउन सुगर सहित 2 जना महिलाई पक्राउ गरेको छ। पक्रा परेका कामना सरकार र ऋतु राय कुचबिहार र मतिगढा निवासी हुन्। प्राप्त जानकारी अनुसार दुईजना महिलाले मालदाबाट ब्राउन सुगर ल्याएर बाघडुग्रा आइपुगेका थिए। गोप्य सूचनाको आधारमा एसओजी र बाघडुग्रा थाना पुलिसले बाघडुग्राको बिहार मोडमा अभियान चलाएर 281 ग्राम ब्राउन सुगर सहित 2 जना महिलालाई पक्राउ गरेको बताइएको छ। पुलिस सूत्रले दिएको जानकारी अनुसार उद्धार गरेको ब्राउन सुगरको अनुमानित बजार मूल्य लगभग लाखौँ रुपियाँ रहेको छ। पक्रा परेका दुईजना महिलालाई भोलि शनिबार सिलगढी अदालतमा पेश गरिनेछ।