ब्राउन सुगर सहित सालुगढाबाट वृद्धा गीता शेर्पा पक्राउ

सिलगढी : भक्तिनगर थाना पुलिसले मादक पदार्थ बिक्री गरेको आरोपमा एउटी वृद्धालाई पक्राउ गरेपछि आज जलपाईगढी अदालतमा पेश गर्यो। पक्रा परेकी वृद्धा सालुगढी निवासी 61 वर्षीय गीता शेर्पाको रूपमा चिन्हित गरिएको छ। तिनको सालुगढा नजिक एउटा दोकान छ भने तिनले दोकानको आडमा मादक पदार्थ बेच्ने गर्थिन्। तिनले धेरै समय अघिदेखि ससाना प्याकेट बनाएर ब्राउन सुगर बेच्दै आइरहेकी छन्। गोप्य सूचनाको आधारमा भक्तिनगर थाना पुलिसले आज अभियान चलाए। पुलिस स्वयम् ग्राहक बनेर वृद्धा महिलाको दोकानमा गएर उक्त वृद्धालाई रंगेहात पक्राउ गरेको बताइएको छ। पुलिसले दोकानबाट 58 ग्राम ब्राउन सुगर उद्धार गरेको छ।