बुलेट चोरसहित सुन दोकानका मालिक पक्राउ

सिलगढी, 7 मार्च (निसं): सिलगढीको प्रधाननगर पुलिसले बुलेट बाइक प्रयोग गरेर चोरी गर्ने कुख्यात चोरलाई पक्राउ गरेको छ। आरोपीको नाम नवनीत कुमार गुप्ता (29) हो। प्राप्त जानकारी अनुसार, बाघाजतिन कोलोनी 2 नम्बर वार्डका निवासी मिन्टू प्रमाणिकले 26 फरवरीमा प्रधाननगर थानामा घरबाट सुन चोरी भएको विषयमा अभियोग दर्ता गरेका थिए। घटनाको जाँच गर्दा पुलिसले चोरीमा बुलेट बाइकको प्रयोग गरिएको पत्तो लगायो। यसपछि पुलिसले बाइकको नम्बर ट्रेस गरेर त्यसको मालिकसम्म पुग्ने प्रयास गरे। यो बाइक शिवराम सरणी, 33 नम्बर वार्ड, एनजेपी क्षेत्रमा भाडामा बस्ने व्यक्तिको नाममा दर्ता गरिएको थियो। त्यसपछि पुलिसले त्यहाँ अभियान चलायो, तर चोरले पहिला नै स्थान परिवर्तन गरिसकेको थियो। त्यसपछि गोप्य सूचनाको आधारमा पुलिसले 27 फरवरीमा हैदरपाडा क्षेत्रमा अभियान चलाएर नवनीत कुमार गुप्तालाई पक्राउ गऱ्यो।
सोधखोज अवधि उसले चोरी गरेको सुन बीरपाडास्थित रानी ज्वेलर्समा बेचेको कुरा स्वीकार गरे। नवनीतको निशानदेहीमा पुलिसले बीरपाडास्थित रानी ज्वेलर्सका मालिक विजय कुमार साहको दोकानबाट 100 ग्राम सुन र 50 ग्राम चाँदी उद्धार गरेको छ। 28 फरवरीमा आरोपीलाई अदालतमा पेश गरियो, जहाँ न्यायाधीशले उसलाई चार दिनको रिमाण्डमा राख्ने आदेश दिए। सोधखोजमा नवनीतले 19 डिसम्बर 2024 मा गुरूङ बस्तीमा पनि चोरी गरेको कुरा स्वीकार गर्यो । पुलिसले चोरीमा प्रयोग भएको बुलेट बाइक जंक्शन रेलवे पार्किंङबाट उद्धार गरेको छ। नवनीत र विजय कुमार साहलाई आज अदालतमा पेश गरियो। पुलिसले घटनाको जाँच गरिरहेको छ।