चाँडै काउन्सिलिङ गरिनुपर्ने मागमा उत्तरबंग मेडिकल कलेजमा जुनियर चिकित्सकहरूद्वारा शान्तिपूर्ण ढङ्गमा विक्षोभ

सिलगढी : कोरोनाले गर्दा मेडिकलमा काउन्सिलिङ भएको छैन। बारम्बार यसको मिति घोषणा गरे तापनि हालसम्म काउन्सिलिङ नभएकोले चाँडै काउन्सिलिङको व्यवस्था गरिनुपर्ने माग गर्दै आज उत्तरंबग मेडिकल कलेजको जरूरी विभाग अघि जुनियर चिकित्सकहरूले शान्तिपूर्ण रूपमा विक्षोभ प्रदर्शन गरे। जुनियर चिकित्सकहरूको भनाइ अनुसार आफूहरूलाई काउन्सिलिङको सटीक मिति नदिएर बारम्बार यसको मिति परिवर्तन गरिरहेको छ। यसैले गर्दा जुनियर चिकित्सकहरू आएका छैनन्। मेडिकल कलेजमा सबै क्षेत्रमा जुनियर चिकित्सकको दुईवटा ब्याजले कार्य गर्न परिरहेको छ। देशभरिमै रोगीहरूलाई उपचार गर्नमा यही समस्या भइरहेको छ। गत 17 महिनादेखि उत्तरबंग मेडिकल कलेजमा पनि यहीँ समस्या रहेको बताउँदै चाँडै यी समस्याहरूको समाधान गरिनुपर्ने मागमा सुप्रिम कोर्ट लगायत सरकारलाई ज्ञापन चढाउने विक्षोभकारी जुनियर चिकित्सकहरूले बताए।