चीनबाट सकुशल फर्किए तीनजना सिक्किमका विद्यार्थीहरू

गान्तोक : सिक्किमबाट उच्च अध्ययनको लागि चीन गएका मोठ पाँचजना विद्यार्थीहरूमध्ये तीनजना विद्यार्थी घर फर्किआएका छन्। चीनमा हाल कोरोना भाइरसको कारण धेरै मानिसहरू यसको चपेटमा पर्नको साथै धेरैजनाले प्राणसमेत गुमाइसकेकोले गर्दा नै तिनीहरू आफ्नो घर सकुशल फर्किआएको छ। सिक्किम राज्यको स्वास्थ्य विभागका सचिवद्वारा दिएको जानकारीअनुसार यी चीनबाट फर्किआएका तीनजना विद्यार्थीहरूको शारीरिक जाँच सिक्किम मेडिकल टीमले गरेपछि तिनीहरूमा कुनै प्रकारको भाइरसको लक्षण फेला नपरेको बताइएको छ। यी फर्किने तीन विद्यार्थीहरूमध्ये दुईजना राजधानी गान्तोक निवासी रहेको अनि अन्य एकजना जोरथाङका निवासी हुन्। यसबाहेक सिक्किमबाट चीनमा अध्ययन गर्न गएका दुई विद्यार्थीहरू अझसम्म घर फर्किनआएको तर तिनीहरूसित घरका परिवार तथा सिक्किम स्वास्थ्य विभागको तर्फबाट सम्पर्क गर्ने प्रयास भइरहेको छ।