चिन्मय महाप्रभुको रिहाइको मागमा हिन्दू जागरण मञ्चले निकाल्यो जलपाईगढीमा रैली

जलपाईगढी, 2 दिसम्बर (निसं): बंगलादेशको इस्कन नेता चिन्मय कृष्ण दासको रिहाइको माग गर्दै हिन्दू जागरण मञ्चले जलपाईगढीमा विरोध रैली निकाल्यो। आज हिन्दू जागरण मञ्चको जलपाईगढी जिल्ला शाखाद्वारा बाबूघाटबाट उक्त प्रतिवाद रैली निकालिएको थियो, जसले शहरको विभिन्न क्षेत्रहरूको परिक्रमा गऱ्यो। यसपछि जिल्ला शासक कार्यालयमा पुगेर एउटा ज्ञापन पनि सुम्पिएको छ। यस अवधि हिन्दू जागरण मञ्चका सदस्यहरूले भने, हामीले रैली मार्फत सरकार सामु हाम्रो माग राखेका छौं। आशा छ, चाँडै नै कार्वाही गरिनेछ साथै धार्मिक सद्भाव कायम राख्न उपयुक्त कदम उठाइनेछ।