चियाकमानको बोनसलाई लिएर बुधबार सिलगढीमा बैठक

खरसाङ : भारतीय गोर्खा प्रजातान्त्रिक मोर्चाको भातृ संगठन हिल डुवर्स तराई प्लान्टेशन लेबर युनियनलाई पनि भोलि हुने श्रमिकहरूको बोनस सम्बन्धित सभामा बोलाएको दाबी गरिएको छ। भारतीय गोर्खा प्रजातान्त्रिक मोर्चाको भातृ संगठन हिल डुवर्स तराई प्लान्टेशन लेवर युनियनको केन्द्रीय सभापति करूणा गुरुङले आज खरसाङमा पत्रकारहरूसित कुराकानी गर्दै भोली सिलगढीमा हुने चिया श्रमिकहरूको बोनस विषयमा हुने सभामा निमन्त्रणा आएको र आफुहरूले उक्त सभामा सहभागिता जनाउने बताइन्। चियाबारीका श्रमिकहरूको बोनस 20 प्रतिशत नै हुनुपर्छ तर त्योभन्दा अलिकति पनि कम्ती हुनु हुँदैन भनी उक्त सभामा आफ्नो पार्टीको तर्फबाट माग गर्दछौं भनी तिनले बताएकी छन्। सभामा चियाबारी श्रमिकहरूको यसपालीको बोनस किस्तामा दिने कुराको विरोध गर्ने साथै 20 प्रतिशत बोनस कुनै किस्ता नगरी सबै एकैपल्टमा दिनु पर्ने आफ्नो पार्टीको अडान रहने तिनले बताइन्।