चियाश्रमिकहरूले दार्जिलिङ जिल्ला अदालत अघि शुरू गरे रिले अनशन

दार्जिलिङ : बन्सल कम्पनीको दार्जिलिङ अर्ग्यानिक टी अधीनस्थ रहेको 10 वटा चियाकमानका श्रमिकहरूलाई खर्च, तलब एवम् अन्य विविध साहुलियतहरू नदिएको कारण आजदेखि दार्जिलिङ जिल्ला अदालत अघि भारतीय गोर्खा प्रजातान्त्रिक मोर्चाको श्रमिक संगठन हिल तराई डुवर्स प्लान्टेसन युनियनद्वारा दोस्रो चरणको आन्दोलन अन्तर्गत धरना प्रदर्शन साथै रिले अनशन शुरू गरेको छ। आज पहिलो दिनको रिले अनशनमा दार्जिलिङको पान्दाम चियाकमान र ह्याप्पी भ्याली चियाकमानका महिला श्रमिकहरूले अंश ग्रहण गरेका छन्।


जबसम्म सरकारले आफूहरूको माग पुरा गरेर चियाश्रमिकहरूलाई न्याय दिँदैन तबसम्म यो रिले अनशन जारी रहने अनशनकारीहरूले चेताउनी दिएका छन्। आज धरनामा बसेका चियाश्रमिकहरूलाई हिल तराई डुवर्स प्लान्टेसन युनियनका अध्यक्ष जेबी तामाङले खदा लगाइदिएर तिनीहरूको हौसला बढाए। प्राप्त जानकारी अनुसार अनशनको दोस्रो दिन भोलि मंगलबार अम्बोटिया चियाकमान र मन्टिभियट चियाकमानका श्रमिकहरूले यस रिले अनशनमा अंश ग्रहण गर्ने भएका छन्।


जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ

This site is protected by reCAPTCHA and the Google Privacy Policy and Terms of Service apply.