दार्जिलिङ : चुङथुङ मेरीबुङ तामसाङ समष्टि अन्तर्गत लिङ्गिया चियाबारीमा क्षेत्रीय नेता हर्क थापाको अध्यक्षतामा गोजमुमो विनय खेमाको शाखा स्तरीय जनसभाको आयोजना गरियो। लिङ्गिया चियाबारीबाट गोजमुमो अध्यक्ष विनय तामङ अनि महासचिव अनित थापालाई सदैव समर्थन रहेको आजको सभाबाट स्पष्ट भयो। सभापछि पत्रकारहरूलाई सम्बोधन गर्दै समष्टि अध्यक्ष बी आर राईले विगत केही दिन अघि मात्र यस चियाबारीबाट बिमल पन्थीलाई 50 घरले समर्थन गरेको कुरा झुटो रहेको बताए। आजको जनभालाई गोर्खा जनमुक्ति मोर्चा दार्जिलिङ महकुमा समितिका अध्यक्ष आलोक कान्तमणि थुलुङले सम्बोधन गरेका थिए।तिनले हाल पहाड़मा जनसमर्थन देखाउनेहरूको होड़ चलिरहेको छ। 2017-को आन्दोलनपछि जनताले खारिज गरेको नेताले आफ्ना केही कार्यकर्ताहरूलाई पहाड़मा तिनकै प्रभुत्व छ भन्दै सामाजिक सञ्जाल भ्रामिक खबरहरू फैलाइरहेको छ जुन झुटो हो भनी तिनले बताए।
दार्जिलिङलाई लथालिङ्गै पारेर आन्दोलनको समय पहाड़ छोड्नेले 2019-को चुनाउमा भाजपाको विजय भएपछि भाजपाकै आड़मा दार्जिलिङ नगरपालिका हत्याउन खोज्दा हालसम्म दार्जिलिङ नगरपालिका बोर्ड बसेर सटीक रूपमा सञ्चालन हुन सकेको छैन अब यस्तो लथालिङ्गै पार्ने नेतृत्वलाई पहाड़ले स्वीकार गर्ने छैन भनी थुलुङले बताए। नारी मोर्चा पार्टी केन्द्रीय कार्यकारी अध्यक्षा सुष्मा राई अनि दार्जिलिङ महकुमा नारी मोर्चा अध्यक्षाद्वयले पहाड़मा शान्ति यथावत् राख्न हो भने गोजमुमो अध्यक्ष विनय तामङ, महासचिव अनित थापाको हात बलियो बनाउन जरूरी रहेको बताए। सभालाई युवा मोर्चा महासचिव अरूण छेत्री, दार्जिलिङ नारी मोर्चा उपसभानेत्री सरस्वती गुरूङ, क्षेत्रीय नेता ज्ञानु छेत्री आदिले सम्बोधन गरेका थिए। यसै सभामा 7 घरले गोरामुमो पार्टी छोडेर महकुमा समिति प्रवक्ता सन्दीप छेत्री, समष्टि अध्यक्ष बी आर राई, समष्टि युमो सचिव सुन्दर राईको बाहुलीबाट दलीय झण्डा ग्रहण गर्यो।