सिलगढी : सिलगढी नगरनिगम चुनाउमा 26 नम्बर वार्डका कङ्ग्रेस प्रार्थी रूचिका मालाकारले आज आफ्नो बाबु तथा कङ्ग्रेस नेता शङ्कर मालाकारलाई साथमा लिएर चुनाउ प्रचार गरिन्। आज एउटा रङ्गारङ्ग शोभायात्राको माध्यमद्वारा कङ्ग्रेस प्रार्थी रूचिका मालाकारले चुनाउ प्रचार गर्दै आफ्नो पक्षमा मतदान गर्ने सबैसित अपील पनि गरिन्। उक्त शोभायात्राले 26 नम्बर वार्डको विभिन्न पथहरूको परिक्रमा गर्यो।
यस अवसरमा पूर्व मेयर गङ्गोत्री दत्त, अखिल भारतीय कङ्ग्रेसका सचिव बीपी सिंह लगायत धेरै संख्यामा कङ्ग्रेसका नेतृत्वहरू उपस्थित थिए। यस विषयमा कङ्ग्रेस नेता शङ्कर मालाकारले भने, यसपल्टको नगरनिगम चुनाउमा सीपीएम-कङ्ग्रेसको गठबन्धन क्षमता आएर बोर्ड गठन गर्नेछ। यसको साथै 26 नम्बरका कङ्ग्रेस प्रार्थी रूचिका मालाकारले नगरनिगम चुनाउमा जीत हासिल गर्ने तिनले दावी गरे।