अलिपुरद्वार : कुचबिहारको शाही परिवारबारे अभद्र टिप्पणी गरेको आरोप लगाउँदै तृणमूल काङ्ग्रेसले यसको विरोधमा आज अलिपुरद्वार बजारमा तीव्र विक्षोभ प्रदर्शन गरेको छ। तृणमूल काङ्ग्रेसको पहलमा आज अलीपुरद्वारमा एउटा विराट विरोध रेली निकाल्नको साथै तिनीविरूद्ध व्यापक नाराबाजी पनि गरे। यसको साथै बिहारका पूर्व उप-मुख्यमन्त्री सुशील मोदीको विरोधमा नाराबाजी गर्दै तृणमूल काङ्ग्रेसका कार्यकर्ता तथा समर्थकहरूले तिनको पुतला पनि दहन गरे।
यस अवसरमा जिलाध्यक्ष प्रकाश चिकबारिकले भने, बिहारका पूर्व उप-मुख्यमन्त्री सुशील मोदीले कुचबिहारको राजपरिवारको विरोधमा अभद्र टिप्पणी गरेकोले यसको विरोधमा आज तिनी विरूद्ध हामीले संवैधानिक ढंगमा विक्षोभ प्रदर्शन साथै तिनको पुतला दहन गरेको हौ। भाजपा नेता सुशिल मोदीले यहाँको वास्तविक इतिहास केही नजानी मनगढन्ते टिप्पणी दिएका छन्, जसको हामी यहाँ वसोवासो गर्ने विविध सम्प्रदायका मानिसहरूले कडा शब्दमा विरोध गर्दछौ।