कोरोनाबारे युनिक फाउन्डेशन-द्वारा जागरूक अभियान

सिलगढी : देशको विभिन्न ठाउँहरूमा झैँ यता सिलगढीमा पनि कोरोना संक्रमितहरूको सङख्या बढ्दै गइरहेको छ। यसैले कोरोनाको दोस्रो लहरको बढ्दो  प्रकोपलाई ध्यानमा राखेर शहरवासीहरूलाई जागरूक गराउने उद्देश्य लिएर युनिक फाउन्डेशन टीमले अनौठो पहल गरेको छ। आज फाउन्डेसनका सदस्यहरू कोरोना भाइरसको कीटाणु र जीवन प्रदान गर्ने अक्सिजनको भेषमा सजिएर मानिसहरूलाई कोरोनाबारे जागरूक गराइरहेको देखियो। आज साँझ सिलगढीको महाबीरस्थानबाट उक्त अनौठो कार्यक्रम शुरू गरेर सहरको विभिन्न ठाउँहरूमा कोरोनाबारे जागरूकता अभियान चलाए।