सीपीआईएम नक्सलबारी एरिया कमिटीद्वारा नक्सलबारी स्टेशनपाड़ामा सेनिटाइज

नक्सलबारी : सीपीआईएम नक्सलबारी एरिया कमिटीको तर्फबाट आज नक्सलबारी स्टेशनपाड़ामा सेनिटाइज गरियो। कमिटीका गौतम घोषले बताएअनुसार नक्सलबारी क्षेत्रमा कोरोना संक्रमितहरूको संख्या दिन-प्रतिदिन बढ्दै गइरहेकोले गर्दा नै आज स्टेशनपाड़ा संसद अन्तर्गत खालबस्तीको सम्पूर्ण क्षेत्रमा सैनिटाइजेसन गरिएको हो। यसको साथै कोरोना भाइरसबाट बाँच्नको लागि के-कस्ता उपायहरू अप्नाउनुपर्छ भन्ने बारेमा पनि मानिसहरूलाई जागरूक गराइएको तिनले बताए। यस अवसरमा नक्सलबारी सीपीआईएमका गौतम घोष, सपना मण्डल, दीपक तिर्की, राजु सरकार लगायत अन्य मानिसहरू उपस्थित थिए।