सीपीआईएम प्रार्थी मञ्जु कर्मकारद्वारा सिलगढीको 30 नम्बर वार्डमा चुनाउ प्रचार

सिलगढी : सिलगढीको 30 नम्बर वार्डको सीपीआईएम प्रार्थी मञ्जु कर्मकारले आज चुनाउ प्रचार गरिन्। सीपीआईएम प्रार्थी मञ्जु कर्मकारले पार्टीमा एकजना कर्मठ कार्यकर्ताको रूपमा कार्य गर्दै आइरहेकी थिइन् भने पहिलोपल्ट तिनले नगरनिगम चुनाउ प्रार्थीको रूपमा लडिरहेकी छन्। यस वार्डको तृणमूल प्रार्थी साथी दासको प्रतिद्वन्द्वीको रूपमा तिनी चुनावी मैदानमा ओर्लिएकी छन्। आज तिनले 30 नम्बर वार्डको घर-घर तथा दोकानहरूमा गएर चुनाउ प्रचार गर्नको साथै आफ्नो पक्षमा मतदान गर्ने सबैसित अपील पनि गरिन्। यस अवसरमा मञ्जु कर्मकारले भनिन्, चुनाउ प्रचार अवधि वार्डवासीहरूबाट राम्रो प्रतिक्रिया पाएकोले नगरनिगम चुनाउमा आफ्नो जीत निश्चित रहेको दावी गर्नको साथै चुनाउ जितेपछि वार्डमा चौतर्फी विकास गर्ने बताइन्।


Leave a Reply

Your email address will not be published. Required fields are marked *